Plantun de Prouvènço

Pèr coumpara dos planto d'encò nostre

Arum italicum & Campanula stenocodon

Sangueiroun

Arum italicum

Araceae

Àutri noum : Figueiroun, Rasin-de-serp, Caulet-de-serp, Erbo-dragouno, Erbo-di-porc.

Noms en français : Arum d'Italie, Gouet d'Italie.

Descripcioun :
Lou sanguieroun es uno planto poulideto bèn couneigudo que trachis dins li relarg proche d'aigo. Se recounèis à si fueio sagitado, sa flour en espato e pièi à si fru roujo. Coume l'avié vist Lamarck (1778), en caufant e en largant d'oudour que pudisson, la flour vai veni de pichòti mousco (Psychoda) que la poulinison.

Usanço :
La planto caup d'alcalouïde, d'ossalate de caucion e mant'un pouisoun subretout li fueio e li fru. Pamens lou tubercule, riche en amidoun, es esta manja cue dóu tèms di carestié. Pèr acò, lou faire bèn couire e chanja l'aigo mant'un cop. Sarié vertuouso pèr li póumoun e contro li moureno e lou mau d'os (Turquìo).

Port : Erbo
Taio : 20 à 70 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Arum
Famiho : Araceae

Ordre : Alismatales

Coulour de la flour :
Petalo : ges
Ø (o loungour) flour : 5 à 8 cm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Abriéu à mai

Liò : Ribiero - Prado umido - Ermas
Estànci : Termoumediterran à Mesoumediterran
Couroulougi : Eurimediterrano
Ref. sc. : Arum italicum Mill., 1768

Campaneto(-di-flour-estrecho)

Campanula stenocodon

Campanulaceae

Nom en français : Campanule à corolle étroite.

Descripcioun :
Aquesto campaneto trachis dins li roucas e esboudèu de mountagno. Douno d'èr à Campanula rotundifolia, aleva la pousicioun e la formo di flour. D'efèt, li flour e boutoun, pourta pèr de long pecou, pendoulon e li flour soun longo (12 à 20 mm), estrecho e d'un blu founs. Li fueio soun primo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 20 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Campanula
Famiho : Campanulaceae

Ordre : Asterales

Coulour de la flour : Vióuleto
Petalo : 5
Ø (o loungour) flour : 1 à 1,5 cm
Flourido : Estiéu

Sòu : Ca (Si)
Autour basso e auto : 1200 à 2600 m
Aparado : Noun
Juliet à avoust

Liò : Roucas - Esboudèu - Pelouso
Estànci : Mountagnard à Aupen
Couroulougi : Ouroufito-Sud-Ouèst-Aupenco
Ref. sc. : Campanula stenocodon Boiss. & Reut., 1856

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Arum italicum & Campanula stenocodon

ges

Coumpara Sangueiroun emé uno autro planto

Coumpara Campaneto(-di-flour-estrecho) emé uno autro planto